Datganiad o Fwriad
Fe wnawn bopeth y gallwn i sicrhau bod plant yr ysgol hon, wrth iddynt ddatblygu’n feddyliol, emosiynol a chorfforol, hefyd yn tyfu’n gymdeithasol ac ysbrydol a thrwy hynny yn ennill parch gwirioneddol tuag at eu hunain, tuag at ei gilydd a thuag at yr holl fyd.

Bwriad Ysgol Y Bedol yw gwella’r cyfle i bawb gael cymryd rhan mewn amrywiaeth o weithgareddau sy’n peri awydd i afael mewn a hyrwyddo hoffter tuag at ddysgu gydol oes gan y disgyblion, y teuluoedd a’r gymuned yn gyffredinol.

Trwy gynnal ymgynghoriad effeithiol bydd Ysgol Y Bedol yn chwilio’n ddiwyd am ddulliau i ffurfio cysylltiadau a chynnal partneriaethau effeithiol er mwyn ymateb i anghenion y disgyblion, eu teuluoedd a’r gymuned rydym yn ei gwasanaethu.

Gobeithiwn y bydd y gwasanaeth a gynigir gan Ysgol Y Bedol yn profi i fod yn fodd i beri newid, gan ysgogi a chynnal ymaddasiad diwylliannol yn y gymuned leol.

Gan fod cymuned Cwmaman wedi elwa’n ddiweddar trwy nifer o gynlluniau buddsoddiad/grantiau, mae’n gyfle amserol i ganolbwyntio ar swyddogaeth ein hysgol yn y gymuned a’i datblygu. Daw’r cyfle i’r ysgol i lunio partneriaethau gydag amrywiaeth eang o wasanaethau eraill. Bydd rhai o’r gwasanaethau hyn wedi eu lleoli yn yr ysgol neu’n gweithredu yn y gymuned gyfagos yng Nghwmaman. Y bwriad yw cydweithio’n agos gyda darparwyr i drin ag iechyd a materion cymdeithasol yn effeithiol ar lefel mwy lleol. Bydd y ddarpariaeth hon yn cynyddu swyddogaeth yr ysgol a chael effaith uniongyrchol ar fywydau ein teuluoedd a’u plant.

Mae Ysgol Y Bedol yn amcanu at ddarparu cyfleusterau, gwybodaeth a chyfleoedd nad ydynt ar gael ar hyn o bryd. Bydd darpariaeth gofal plant yn rhan bwysig o’n swyddogaeth yn y datblygiad hwn a fydd yn galluogi’r teuluoedd i gael darpariaeth gofal plant o safon uchel ynghyd â chyfle ar gyfer hwy eu hunain.

Bydd Ysgol Y Bedol, ynghyd â’r Ganolfan Gymunedol yng Nglanaman, yn cynnal swyddogaeth ganolog wrth gefnogi cyfleoedd hyfforddiant a chyflogaeth ar gyfer y gymuned leol trwy ddarparu cyrsiau hamdden, cyfleoedd magu plant a chyrsiau achrededig. Bydd hyn, mae’n amlwg, yn dibynnu ar gynnal partneriaethau gyda cholegau lleol yn y dalgylch.

Ni fydd gweithgareddau’r ysgol ‘estynedig’, fodd bynnag, yn tynnu’r pwyslais oddi wrth brif weithgaredd yr ysgol o godi cyraeddiadau ein disgyblion. Bydd y cyfleoedd dysgu ‘estynedig’ ar gyfer pawb yn meithrin awydd am addysg a llwyddiant ac yn ceisio codi hunan-barch a dyheadau ein cymuned gyfan. Bydd cyfleoedd dysgu ‘estynedig’ yn ehangu a gwella cwricwlwm yr ysgol a chefnogi dysgu wedi’i phersonoli ar gyfer pawb.

I sicrhau bod pawb yn teimlo’n gyfforddus a diogel yn yr amgylchedd hwn, bydd yr ysgol yn talu sylw manwl i’r dulliau a ddefnyddir i hyrwyddo cyfleoedd ar gyfer y gymuned leol, gan fod llawer o bobl wedi cael profiadau cymysg iawn mewn ysgolion ac ym myd addysg yn y gorffennol. Bydd gweithio’n agos gyda’r gymuned yn hanfodol a bydd yn rhaid i’r ysgol edrych yn ofalus iawn ar y dulliau a ddefnyddiwn i hyrwyddo gweithgareddau, i bwy y cynigir hwy, a sut fydd bwrw ati’r eilwaith yn rhoddi profiad positif a buddiol i bawb.

Mae hwn yn gyfnod cynhyrfus i Ysgol Y Bedol. Mae swyddogaethau a dyletswyddau yn cael eu hadolygu’n gyson a phartneriaethau newydd yn cael eu creu.